ياأخي

🖤 النقاب عبادة، مش عادة

 🔥 النبي ﷺ قال:

 "إن الله يغار، وإن المؤمن يغار..." [البخاري ومسلم] وقال: "ثلاثة لا يدخلون الجنة: العاق، والديوث، والمرأة المترجلة..." [رواه النسائي] وسُئِل: مين الديوث؟ قال: "الذي لا يغار على أهله". اللي يرضى إن صور زوجته -حتى لو منقبة- تنتشر، والناس تبصلها، وتشوف عيونها، وطريقة لبسها، وزينتها، وتعليقات "ما شاء الله"... صراحة، فين غيرتك؟ لو هي فعلاً غالية عندك، مش هتعرضها حتى لو جزء بسيط منها! --- 

 بس هي منقبة! 👀 

 ده العذر المنتشر... هي منقبة، مفيش مشكلة" طيب، والعين؟ مش ربنا قال: "قُل لِّلْمُؤْمِنِينَ يَغُضُّوا مِنْ أَبْصَارِهِمْ..."؟ طب ليه تغري الناس؟ ليه تفتح باب فتنة؟ بلاش تفتكر إن الناس كلهم أصحاب قلوب طاهرة. فيه ناس تتأثر من نظرة، من عين، من حركة، من تعليق! --- سؤال شخصي لك أيها الزوج: لو دخلت أوتوبيس أو مكان عام، وراجل قعد يبص على زوجتك، هترضى؟ طب إزاي بتقبل إن آلاف الناس على الإنترنت يشوفوها؟ حتى لو منقبة؟ النقاب مش درعك ضد الفتنة لو أنت فتحت الباب بنفسك! --- وأخيرًا... كلام من القلب للقلب يا أخي، زوجتك دي أمانة. مش لازم تفتخر بيها أونلاين، افتخر بيها عند ربنا. خليها غالية... مَصونة... ماحدش يعرف عنها حاجة. خلي صورتها في قلبك مش على صفحتك. الستر مش ضعف، الستر شرف والرجولة مش إنك تنشر... الرجولة إنك تحمي وتخاف وتغار. --- اللهم استر نساء المسلمين، واغرس في قلوب الرجال غيرةً ترضيك، واهدِ كل من تساهل في أعراضه. اللهم آمين.