السيدة عائشة رضي الله عنها

السيدة عائشة

السيدة عائشة كانت بتحكي إن الرسول كان بيخلّيها تاكل الأول أو تشرب من الإناء و بعدين ياخده منها ويشرب أو ياكل من نفس المكان اللي هي أكلت أو شربت منه .. و كان بيقول للناس على السيده خديجة: "إنّي رُزقتُ حُبها" من شدّة حُبه لها .💛




الرسول كان بيقعد على الأرض ويثني ركبتيه للسيدة صفيّة عشان تركب على ضهر الجمل بتاعها ..




وكان لما بياخد زوجاته معاه للحج والراجل اللي بيقود القافلة بيسرع كان بيقوله "رفقاً بالقوارير" .. متسرعش يعني عشان معانا نساء وكده




في مرة في نص الطريق الجمل بتاع السيّدة صفية اتأخر عن باقي القافلة وبرك على الأرض راحت معيطه .. الرسول مزعقلهاش ولا قالها اي اللي بتعمليه ده .. الرسول وقّف القافلة كلها ورجعلها وقعد يمسح دموعها بإيده ويطيّب خاطرها




الرسول كان بيخرج مع زوجاته للتنزه، كان بيساعدهم في شغل البيت وبيخيّط النعْل اللي بيلبسه والثوب اللي بيرتديه ..




الرسول عمره ما ضرب زوجة من زوجات، وقال على بنته السيدة فاطمه "إنها بضعة مني يُريبني ما رابها ويؤذيني ما يؤذيها"




في مرة الرسول كان خارج في قافلة ومعاه السيده عائشه، فقال للناس تقدّموا وتسابق مع السيدة عائشة فسبقته ..بعدها بفترة خرجت معاه في قافله تانية فقال لأصحابه تقدّموا وقالها سابقيني، فتسابقوا فسبقها وقعد يضحك ويقولها هذه بتلتك




الرسول لما نزل عليه الوحي وكان خايف ساب أصحابه وقرايبه ومراحش غير للسيدة خديجة وحكالها .. والعام اللي ماتت فيه سُمّي بعام الحزن من شدة حزن النبي عليها .. وكان لما بيدبح شاه يقولهم أرسلوا بها إلى أصدقاء خديجة وفاءً لها




الرسول كان بياخد حفيدته أُميمه بنت زينب ويصلّي وهو شايلها ولما كان يركع أو يسجد ينزلّها ويرجع يشيلها تاني .




صلى على سيدنا محمد صلى الله عليه وسلم